in zug acho simr uf d suechi nach dr jugendherbärgä.. die heimr de oscho gli mal gfundä, numä het si leidr ned offä gha.. im nächschtä restaurant heimr nachemä zimmer gfragt, die hei üs när äs motel empfohlä.. das heimr grad ned uf ahieb gfundä u si när imnä coiffeurladä ga fragä..
d coiffeusä het gmeint das sigi iz kes motel meh, sondern äs hotel u äs zimmer choschtet öpä 100.-
das isch gwüss grad chli vil..
da het si üs äs zimmer abotä wosi im dachstock vo ihrer wohnig het. äs sig äs chaos dert abr zum übernachtä söttis lengä hetsi gmeint..
mig u i heis fasch ned chönnä gluubä, dases söttegi lüt ir schwitz git u hiines dementsprächend bedankt!
när isches widr zrugg richtig stadion gangä.. wägm rägä simr dert zimlech durchnässt acho u hei afämla öpis müessä ässä! äs isch de när nüm lang gangä u dr apfiff isch dür d hallä gschallet..
äs isch äs herrlechs spil gsi u mig u ig heis gnossä als nöitrali zueschouer ohni närvlechi strapatzä z vrfolgä.. natürlech hei mir üs übr jedes goal vo zug gfreut.. schliesslech heisi gäg bärn gschpilt.
zug het das spil mit 5-2 gwunnä!
nachem spil simr ussä am stadion ga wartä wo mir när vo josh holden ad wermi gholt si wordä u ä chli brichtet hei.. äs herrlechs hääsi isch dä josh!
nacherä halb stund simr när zu üsem schlaf-platz gloffä.
am nächschtä morgä het dr wecker scho am 6i glüttä u mir si am halbi 7i im zug wäg vo zug gfahrä..
abr wär weis, vilich simr scho gli widr in zug azträffä, da die playoff-serie für holden & co no witer geit! u denn söti de d jugendherbärge nemme zue ha! Mig i üsem Zimmer..
Keine Kommentare:
Kommentar veröffentlichen